गजल
तपाईं पनि खै के के थरी कुरा देखाउनु हुन्छ ।
खाउँ आउनुस् भन्दै भरी सिसी सुरा देखाउनु हुन्छ ।

यहां देश नै लुटी सकियो स्वार्थ को राजनीतिले
तपाईं सहमति भयो भन्दै खबर अपुरा देखाउनु हुन्छ ।

अरे यार बगैंचाको रातो फूल त्यो बटुवाले चुसेथ्यो
तपाईं  हरेक पटक दोषी किन भमरा देखाउनु हुन्छ ।

मस्त बंगला गाडी आइफोन टन्नै थ्यो त तपाईं संग
तर राहत लिन आफूलाई बेसाहारा देखाउनु हुन्छ ।
                                सरोज फुयाल